英国365bet体育_365bet手机官网_约彩365官旧版本网客户端下载

   “ແຜນແມ່ບົດວ່າດ້ວຍການສ້າງຈີນດີຈີຕອນ” ໄດ້ຈັດພິມແລະແຈກຢາຍໃນຫວ່າງມໍ່ໆມານີ້. ໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວ ລັດຖະບານຈີນຈັດຂຶ້ນໃນຕອນເຊົ້າວັນທີ 3 ເມສານີ້, ຜູ້ຮັບຜິດຊອບທີ່ກ່ຽວຂ້ອງຈາກຫ້ອງການຂໍ້ມູນຂ່າວສານອິນເຕີເນັດແຫ່ງຊາດຈີນໃຫ້ຮູ້ວ່າ: ເສດຖະກິດດີຈີຕອນຂອງຈີນມີຂະໜາດໃຫຍ່ເປັນອັນດັບ 2 ຂອງໂລກ, ຂະນະທີ່ອຸດສາຫະກໍາດີຈີຕອນມີການເຕີບໂຕຢ່າງໝັ້ນທ່ຽງ ແລະໄດ້ກາຍເປັນໜຶ່ງໃນແຮງຂັບເຄື່ອນທີ່ສໍາຄັນໃນການຊຸກຍູ້ການເຕີບໂຕຂອງເສດຖະກິດຈີນ.

   ປີ 2022 ຜ່ານມາ, ການສ້າງຈີນດີຈີຕອນໄດ້ຮັບຄວາມຄືບໜ້າໃໝ່ອັນສໍາຄັນ. ສັງເກດໄດ້ຈາກປີ 2022, ລາຍຮັບຈາກອຸດສາຫະກໍາການຜະລິດດ້ານຂໍ້ມູນຂ່າວສານເອເລັກໂຕຣນິກບັນລຸມູນຄ່າເຖິງ 15.400 ຕື້ຢວນ, ລາຍຮັບຈາກຂະແໜງ ການຊອ໋ບແວບັນລຸມູນຄ່າເຖິງ 10.800 ຕື້ຢວນ, ລື່ນ 10.000 ຕື້ຢວນເປັນຄັ້ງທໍາອິດ. ນອກນີ້, ອັດຕາການຜະລິດກະສິກໍາທີ່ຫັນເປັນແບບເຕັກໂນໂລຊີຂໍ້ມູນຂ່າວສານແມ່ນກວມຫຼາຍກວ່າ 25%, ອິນເຕີເນັດອຸດສາຫະກໍາໄດ້ເຊື່ອມໂຍງເຂົ້າກັບ 45 ປະເພດຂອງເສດຖະກິດແຫ່ງຊາດຢ່າງຮອບດ້ານ, ຍອດມູນຄ່າການຂາຍຍ່ອຍຜ່ານທາງອິນເຕີເນັດຂອງສິນຄ້າທີ່ເປັນຮູບປະທໍາກວມເອົາ 27,2% ຂອງຍອດມູນຄ່າການຂາຍຍ່ອຍສິນຄ້າບໍລິໂພກໃນສັງຄົມ, ເຊິ່ງໄດ້ສ້າງປະຫວັດສາດໃໝ່.