З 2018 года ў агульнай складанасці 2 тыс. цягнікоў, якія рухаліся па маршрутах міжнародных чыгуначных грузаперавозак «Кітай-Еўропа», прайшло праз памежны пераход «Суйфэньхэ» ў правінцыі Хэйлунцзян /Паўночна-Усходні Кітай/, паведамілі на станцыі Суйфэньхэ Харбінскага аддзялення карпарацыі "Кітайскія чыгункі" ў сераду.

За апошнія пяць гадоў штомесячная колькасць грузавых цягнікоў "Кітай-Еўропа", якія праходзяць праз згаданы КПП, вырасла з аднаго-двух да прыкладна 70 цягнікоў.

На КПП "Суйфэньхэ" назіраецца ажыўлены рух грузавых цягнікоў "Кітай-Еўропа", бо Кітай працягвае паглыбляць эканамічныя і гандлёвыя сувязі з краінамі і рэгіёнамі ўздоўж "Пояса і шляху". Харбінскае аддзяленне прыкладае намаганні для далейшага павышэння эфектыўнасці мытнага афармлення.

Грузавыя цягнікі «Кітай-Еўропа» едуць па трох асноўных калідорах -- Заходнім, Усходнім і Цэнтральным. КПП "Суйфэньхэ" размешчаны ва Усходнім калідоры.

Кітай запусціў грузавыя цягнікі "Кітай-Еўропа" ў 2011 годзе. З таго часу яны служаць важным сувязным звяном для гандлёва-эканамічнага супрацоўніцтва на Еўразійскім кантыненце.